Masat e marra në Lombardinë e goditur rëndë nga koronavirusi nuk janë “strikte mjaftueshëm.”
Të paktën kështu janë shprehur ekspertët mjekësorë kinezë të cilët po e ndihmojnë rajonin italian që të përballojë krizën e shkaktuar nga koronavirusi. Nënkryetari i Kryqit të Kuq Kinez, Sun Shuopeng, u shpreh të enjten gjatë një konferencë për shtyp në Milano të Italisë se situata mes dy shteteve është e ngjashme.
Shuopeng u shpreh:
“Situata aktuale në Lombardi është e ngjashme me atë që ne po kalonim në Wuhan dy muaj më parë. Në qytetin e Wuhan-it pas një muaji nga miratimi i politikës së bllokimit, ne shohim një trend në rënie nga piku i sëmundjes.”
Më tej Sun Shuopeng shtoi se në Milano, zona e goditur më rëndë nga Covid-19, masat e izolimit nuk janë edhe aq strikte.
Ai shtoi më tej:
“Transporti publik vazhdon të jetë duke punuar dhe njerëzit vazhdojnë të lëvizin nëpër rrugë, ata vazhdojnë të hanë darka e të bëjnë festa në hotele ku nuk mbahen vënë as maska. Duhet që të gjithë qytetarët të jenë të përfshirë në luftën kundër Covid-19 dhe të ndjekin rregullat e vendosura.”
Eksperti nga Kina i këshilloi italianët që të ndalojnë të gjitha “aktivitetet ekonomike dhe lëvizjet.
“Të gjithë duhet të qëndrojnë në shtëpi.”
