Qeni i parë në Botë që u sëmur me koronavirus ka ngordhur në Hong Kong, pasi u deklarua i shëruar dhe u kthye në shtëpi te pronarja e tij.
Qeni i rracës Pomeranian, pronarja e të cilit u sëmur me COVDI-19 muajin e kaluar, ka qënë i karantinuar në një ndërtesë, por u kthye në fundjavë në shtëpi.
Një zyrtar i Departamentit për agrikulturën, peshkimin dhe konservimin në Hong Kong tha për South China Morning Post se “departamenti mësoi nga pronarja e qenit se ai kishte ngordhur në 16 mars. Pronarja nuk pranon të lejojë një autopsi për të zbuluar shkakun e vdekjes.”
Qeni ishte testuar si ‘pozitiv i dobët’ për korona virusin në 5 testet orale dhe në hundë. Por, duke qënë se në dy testet e fundit u testua negative, ai iu kthye pronares.
OBSH tha më parë se qeni është i vetmi që dihet se ka marrë sëmundjen.
“Pavarësisht se një qen është infektuar në Hong Kong, nuk ka prova që qentë, macet apo çdo kafshë shtëpiake mund të transmetojë COVID-19,” u shpreh OBSH.
