Mjeku i njohur infeksionist, Tritan Kalo, ka përcjellë mesazhe pozitive lidhur me luftën ndaj koronavirusit. Kalo shkruan se momentalisht jemi “remi”, por shumë shpejt do t´a bëjmë shah mat.
Reagimi i mjekut ka ardhur pas lajmeve të mbrëmjes së djeshme se pacienti i parë, pas 1 jave kurimi në Infektiv, ka rezultuar negativ, pra i shëruar, megjithëse pritet testi i dytë ndaj Covid 19.
“Fillimi i mbarë shënon edhe gjysmën e punës…. Negativizimi dhe pragshërimi i plotë i të sëmurit të parë me Covid-19, shënon një sukses të merituar të ekipit të Shërbimit të Sëmundjeve Infektive….
Suksese edhe të mëtejshme të gjithë mantelbardhëve, infermierevë, imazheristëve, farmacistëve, sanitarëve, barelistëve, koordinatoreve dhe administratoreve të shërbimit të sëmundjeve infektive në QSUT “Nënë Tereza”…..
Jemi për momentin “remi” në ndeshjen e gjatë të shahut me supertinzarin Covid-19…
Puna, profesionalizmi dhe përkushtimi i ekipit tonë, jam mëse i sigurtë se në një kohë jo të largët, do ta “zërë shah-mat” këtë sëmundje mjaft të rrezikshme por jo të pamposhtëme….
Durimi, guximi dhe këmbëngulja e të gjithëve NE, por edhe e të gjithë kolegëve në QSUT si dhe në ngrehinat e tjera të Shëndetit Publik të paracaktuara për ndjekjen e të sëmurëve me Covid-19, do të na nxjerë PATJETËR faqebardhë në këtë betejë për triumfin e JETËS!!!”, shkruan mjeku Tritan Kalo.
