Gjatë 24 orëve të fundit, si pasojë e ndalimit të qarkullimit të automjeteve, policia bën me dije se janë evidentuar 74 drejtues mjetesh që kanë shkelur urdhërin, të cilët janë ndëshkuar me heqje të lejes së drejtimit dhe bllokim mjeti.
Gjithashtu mësohet se janë vënë në pranga dhe 2 drejtues mjetesh, konkretisht në Berat shtetasi P. H., 44 vjeç, për drejtim mjeti në gjendje të dehur dhe mosbindje ndaj urdhrit të Policisë për shoqërim dhe në Elbasan shtetasi I. A., 56 vjeç, pasi drejtonte mjetin në kundërshtim me urdhrin për ndalim qarkullimi, të cilit gjatë kontrollit iu gjet një armë sportive pistoletë pa leje.
Ndërsa në Bulqizë, janë proceduar penalisht shtetasi U. T., drejtues motomjeti dhe pasagjeri T. T., për drejtim motomjeti në kundërshtim me urdhrin për ndalim qarkullimi dhe kundërshtim e mosbindje ndaj urdhrit të punonjësit të Policisë.
Gjithashtu janë ndëshkuar me masën administrative 10.000 lekë dhe 10 shtetas, konkretisht 9 shtetas në Durrës dhe 1 në Tiranë, të cilët qarkullonin me biçikleta apo në këmbë, duke mos zbatuar urdhrin e dhënë për qëndrimin në banesë pas orës 18:00
