Prej disa ditësh qytetarëve po u kërkohet që të qëndrojnë në shtëpi dhe të shmangin sa më shumë kontaktet, si një nga masat kryesore për parandalimin e Covid 19.
Qeveria një ditë më parë kufizoi edhe lëvizjen e këmbësorëve pas orës 18:00, ndërkohë një video-mesazh për të sensibilizuar qytetarët shqiptarë, dy të rinj, Henri Koçi dhe Florid Imeraj, apelojnë për respektimin e masave.
Video-mesazhin e tyre e ka publikuar sot Kryeministri Edi Rama.
“S’jam Edi, po janë dy çuna që s’i njoh që e kanë qarë këtë video. Shikojeni dhe mos lëvizni nga shtëpia, nëse nuk jeni ndër ata që duhet të shkojnë patjetër në punë”, shkruan Rama, në komentin që shoqëron videon e mëposhtme.
