Të enjten e kaluar, UEFA vendosi që më datë 17 mars (sot), të mbahej një video konferencë për të diskutuar mbi përgjigjen e futbollit ndaj krizës së coronavirusit.
Të ftuar në takim janë, përfaqësuesit e 55 shoqatave të anëtarëve të UEFA-së, së bashku me bordet e Shoqatës Evropiane të Klubeve (ECA) dhe Ligave Evropiane. Sipas “Corriere dello Sport”, një marrëveshje politike është arritur nga të gjitha palët, ndërsa pritet vetëm të mësohen vendimet e marra.
Gjasat janë që Europiani i 2020 të shtyhet për 1 vit, për t’iu dhënë mundësinë klubeve, që t’i përfundojnë kampionatet si dhe Champions-in dhe Ligën e Europës në verë.
Gjithsesi kjo është vetëm një hipotezë, ndërsa më shumë do të mësohet ditën e sotme.
