Një mjek dhe 3 infermiere të spitalit “Shefqet Ndroqi” apo Senatoriumit siç njihet, rezultojnë pozitiv me koronavirus.
Kjo është konfirmuar zyrtarisht nga zv.ministrja e Shëndetësisë, Mira Rakacolli.
Ajo tha se stafi mjekësor prej 4 personash i infektuar me Covid 19, ka qenë në kontakt të ngushtë me pacientin, që më herët ka qenë i shtruar në këtë spitali, i cili ishte infektuar pas një vizite nga një i afërm që kishte qenë në Itali.
“Në vijim të hetimit të hollësishëm epidemiologjik të filluar ditën e djeshme në spitalin “Shefqet Ndroqi”, kanë dalë pozitiv edhe 4 raste personel shëndetësor (një mjek dhe 3 infermierë) të cilët kanë qenë në kontakt me pacientin, i cili aktualisht po trajtohet në spitalin infektiv dhe që, më herët ka qenë i shtruar në spitalin “Shefqet Ndroqi”.
Siç ju kemi njoftuar, nga gjurmimi i kryer, ky pacient është vizituar në spital nga një i afërm që vinte nga Italia, dhe që nuk e ka dhënë këtë informacion te stafet mjekësore”, tha Rakacolli.
Personeli është në gjendje të mirë shëndetësore, pa simptiima dhe i vetëkarantinuar.
