Qeveria izraelite shumë shpejt do të përdorë mjete dixhitale që janë përdorur në luftën kundër terrorizmit për të luftuar Covid 19. Përmes këtyre mjeteve do të gjurmohet pacienti. Kjo është deklaruar nga Kryeministri izraelit, ndërsa shërbimi sekret “Shin Bet” konfirmoi duke ekzaminuar përdorimin e aftësive të tij teknologjike për të luftuar koronavirus, raportojnë mediat izraelite.
Monitorimi i teknologjisë kibernetike do të vendoset për të lokalizuar njerëzit që kanë qenë në kontakt me ata që mbajnë virusin, subjekt i aprovimit të kabinetit, tha Netanyahu një konferencë shtypi në Jeruzalem.
“Ne shumë shpejt do të fillojmë të përdorim teknologjinë … do të thotë dixhitale që ne kemi përdorur për të luftuar terrorizmin,” tha Netanyahu. Ai tha se kishte kërkuar miratimin e Ministrisë së Drejtësisë sepse masa të tilla mund të cenonin privatësinë e pacientëve.
Në një përshkallëzim të masave paraprake, qeveria e Netanyahu njoftoi se qendrat, hotelet, restorantet dhe teatrot do të mbyllen nga e dita e diel, dhe tha se punonjësit nuk duhet të shkojnë në vendet e tyre të punës nëse nuk ishte e nevojshme. Sidoqoftë, shërbimet jetësore, farmacitë, supermarketet dhe bankat do të vazhdojnë të funksionojnë.
Zyrtarët e shëndetësisë i nxitën njerëzit të ruanin distancën sociale dhe të mos mbledhin më shumë se dhjetë persona në një hapësirë.
Agjensia e brendshme e sigurisë, Shin Bet, konfirmoi se po shqyrtonte përdorimin e aftësive të saj teknologjike për të luftuar koronavirusin, me kërkesë të Netanyahut dhe Ministrisë së Shëndetësisë.
Javën e kaluar kujtdo që hynte në Izrael u urdhërua të izolohej për dy javë dhe shkollat u mbyllën. Dhjetëra mijëra izraelitë aktualisht janë në karantinë.
Ministria e Shëndetësisë e Izraelit tha se 193 njerëz kanë testuar pozitivë, pa fat të vdekur. Shumë kishin qenë në fluturime ndërkombëtare gjatë dy javëve të fundit.
