Në Fier u konfirmua sot rasti i 6-të me koronavirus. ABC News raporton se rasti i ri është bashkëshorti i 62-vjeçares që është prekur më herët.
Ky i fundit ka shoqëruar bashkëshorten në spital, dhe pas konfirmimit të saj është marrë në mbikëqyrje. Pas testimit të bërë, ai ka dalë pozitiv me virusin e ri.
Sipas të dhënave, 62-vjeçarja ka patur edhe një dyqan, që do të thotë se të gjithë personat që u ka shërbyer duhet të jenë të kujdesshëm.
Ndërkohë mbrëmjen e sotme pritet të dalin rezultatet e stafit mjekësor të spitalit të Fierit, të cilët i kanë shërbyer 62-vjeçares. Kjo e fundit nuk u tregoi mjekëve që kishte ardhur nga Italia. Personeli mjekësor i është nënshtruar testimit të dytë, pasi pritet një përgjigje më korrekte për shkak edhe të fazës së inkubacionit që ka virusi.
Kurse Bashkia e Roskovecit i ka bërë thirrje banorëve të fshatit ku jeton çifti që të vetëkarantinohen.
Njoftim i rëndësishëm!
Në vijim të masave të ndërmarra për parandalimin e virusit COVID-19 dhe në bashkëpunim të ngushtë me Q Sh të Bashkisë Roskovec,
-ju njoftojmë se kanë rezultuar pozitiv me Koronavirus #COVID1, dy banorë të fshatit Mbërs, Njësia Administrative Kurjan.
Çifti i bashkëshortëve G & S Misiraj, i janë nënshtruar testimit për COVID-19 dhe kanë rezultuar pozitiv.
Kjo familje ka pasur histori udhëtimi në Itali.
-Bashkia Roskovec i bën thirrje URGJENTE të gjithë banorëve të fshatit Mbërs të vetë- izolohen, duke qënë se familja Misiraj ka pasur kontakte të ngushta me banorët e fshatit.
Kërkojmë bashkëpunimin e të gjithëve për të kuptuar rëndësinë e kësaj situate dhe respektimin e rregullave bazë:
-qëndrimin në shtëpi dhe higjenë maksimale personale për veten dhe të tjerët.
-Kjo është një “luftë” që na përket të gjithëve, kujdesuni për veten dhe miqtë tuaj pasi kështu do të mund të mbrohemi të gjithë.
Urojmë shërim sa më të shpejtë çiftit Misiraj.
