Koronavirusi i ri është zhvilluar në një pandemi të plotë duke infektuar më shumë se 150000 njerëz në të gjithë Botën.
Por a e kishte parashikuar Nostradamusi këtë kërcënim viral 500 vjet më parë?
Virusi i ri goditi papritur e pa paraljmërim dhe paniku që ka shkaktuar ka bërë që teoricienët e konspiracionit të mbushin rrjetet sociale me pretendime të pabesueshme për origjinën e tij.
Një prej tyre është idea se virusi është lëshuar nga një laborator sekret në Vuhan, të tjetë thonë se është parashikuar në librin e vitit 1981 “Sytë e errësirës” nga Dean Koontz. Por shumica anojnë të besojnë ashtu si dhe më herët, se diçka e tillë është parashikuar nga shkencëtari, shkrimtari, doktori dhe parashikuesi i famshëm Michel de Nostredame.
Nostradamus ka shkruar për vizionet e tij të së ardhmes në poemat e tij me katër linja të njohura si kuatrema.
Shumica e tyre u publikuan në librin e vitit 1555, profecitë.
Në kuatrenën 63, Nostradamus shkruan:
“Nga nderi i kotësisë dhe ankesat e padenja, barkat tunden andej-këtej në valët latine, të ftohta e të uritura,
jo shumë larg nga Tiberi, vendi i njollosur nga gjaku, sëmundje të ndryshme do të bien mbi njerëzimin.”
Ky, pra, mund të ketë qenë paralajmërimi për koronavirusin. Lumi Tiber kalon në Romë (sot quhet Tevere) teksa Italia është e rrethuar me më shumë se 9000 raste infektimi me COVID-19.
Një paralajmërim i ngjashëm nga Nostradamus bëhet në kuatrenën 6:
Ai shkruan:
“Pranë portave dhe brenda dy qyteteve, do të ketë dy sëmundje të mallkuara siç nuk janë parë më parë, Uri brenda sëmundjes, njerëz të vrarë nga hekuri, Duke iu lutur Zotit të pavdekshëm për çlirim.”
Ai përsëri përmend sëmundjet në kuatrenën 19:
“Të ardhur, vendbanime të ndërtuara pa mbrojtje, vend i pushtuar e më pas i pabanueshëm: lëndina, shtëpi e fusha, qyteza për t’u kënaqur, uri, sëmundje, luftë, shumë toka pjellore.”
Por e dëshironte vërtet Nostradamus një pandemi shkatërrimtare për botën? Shkrimet e tij janë interpretuar në mënyra të ndryshme që prej vdekjes në vitin 1566, në shumicën e tyre në mënyra abuzive dhe përfituese, madje shkrimet janë ndryshuar dhe shtuar me histori të rreme apo kode të sajuara, që shpeshherë nuk kanë lidhje me ato që Nostradamus ka shkruar. /BS/
