Mjeku i Urgjencës, Ilir Allkja, i cili denoncoi mungesën e mjeteve dhe veshjeve mbrojtëse për stafin mjekësor është shkarkuar nga puna.
Allkjas i është kërkuar që të mos paraqitet më në punë, ndërkohë që ende nuk i ka shkuar ende një shkresë zyrtare për largimin nga puna.
Lajmi u konfirmua nga vetë Allkja përmes një postimi në facebook, ku shkruan se për arsye të panjohura i është kërkuar largimi nga puna.
‘Miq, sonte më është kërkuar të largohem nga puna pa motivacion!
Kërkova të ma jepnin me shkrim!
Hakmarrje e ulët e Edi Ramës dhe e Skënder Bratajt në ditët kur Shqipëria ka nevojë më shumë se kurrë për mjekë ! Sonte po qendroj në punë kundër urdhrit , në shërbim të pacientëve !
Ju dua shumë !- shkruan Allkja në postimin e tij.
Ndërkohë ish-ministri i Shëndetësisë, Petrit Vasili, në një reagim të tij, shkruan “turp i madh si mundet të largohet nga puna një mjek, që sakrifikon prej kohësh duke punuar në Urgjencë vetëm e vetëm se fjalët e tij nuk i pëlqejnë Edi Ramës”.
Vasili shkruan se “në mes të Pandemisë, Qeveria gjen kohë për hakmarrje politike, duket se sa seriozisht e kanë marrë Pandeminë”.
TI
