Sipas mediave franceze, sezonin e ardhshëm, Neymar, nuk do të jetë futbollist i PSG-së.
Drejtori sportiv i skuadrës, Leonardo, ka vendosur që Neymar do të jetë i lirë për tu larguar nga kryeqyteti francez, diçka kjo e paimagjinueshme pak kohë më parë. Tashmë te PSG-ja e gjithë vëmendja është kthyer në qëndrimin e Kylian Mbappes.
Lajmi bëhet i ditur nga gazetari i ESPN, Julien Laurens, ndërsa çmimi që PSG kërkon për lojtarin është 150 milionë euro.
Destinacioni kryesor i 28-vjecarit është Barcelona, me katalanasit të cilët janë të dëshpëruar për të rikthyer lojtarin në skuadër, kjo edhe për të kënaqur Lionel Messin.
