Monika Kryemadhi, kryetare e LSI-së, u shpreh sot se për mjekët nuk duhen vetëm duartrokitje, por dhe siguri në punën e tyre.
Kryemadhi tha se mendimet tona duhet të shkojnë për të gjithë mjekët shqiptarë që punojnë jashtë.
“Ata sot i ofrojnë siguri qytetarëve evropianë, por edhe pse në karantinë duke luftuar vetë me virusin, mendjen dhe shpirtin e kanë të lidhur me situatën në Shqipëri, për familjarët, miqtë e kolegët e tyre këtu.
Falenderimet dhe lutjet tona shkojnë edhe për të gjithe mjekët tanë që punojnë këtu në kushte shumë më të pafavorshme se kolegët e tyre në Evropë.
Për mjekët e Shqipërisë nuk mjaftojnë vetëm duartroktijet e orës 17:30, por të lutemi për shëndetin e tyre mëngjes, drekë, darkë, e në çdo kohë të shpresojme që ata e familjarët e tyre të gjejnë forcën, për të përballuar ditët e vështira që kemi përpara.
Zoti i bekoftë sakrificat tuaja”, shkruan Kryemadhi në rrjetet sociale.
