Kryeministri Edi Rama publikoi në rrjet një hartë, që sipas tij tregon sa shpejt ka vepruar Shqipëria në rang evropian për ngadalësimin e përhapjes së koronavirusit.
Një ndër masat e menjëhershme të qeverisë shqiptare ishte mbyllja e shkollave. Në hartë kryeministri tregon pikërisht kronologjinë e këtij vendimi.
“Në këtë hartë që tregon kronologjinë e mbylljes së shkollave, mund të shihet se sa shpejt ka vepruar Shqipëria në rang Europian”, shkruan Rama.
Kryeministri ka deklaruar se po bëhen gjërat e duhura në kohën e duhur, ndërsa paralajmëron se në këto dy javë do të shihet kurba e rritjes.
Rama i ka drejtuar një apel qytetarëve për t´u përgatitur për një mbrojtje sa më të fortë me njëri-tjetrin.
