Të martën pritet që, UEFA, të zhvillojë një takim për të diskutuar se si do të procedohet në vazhdim me Champions Ligën dhe Europa League. Siç raportohet nga mediat e huaja po mendohet që formati i dy kompeticioneve të ndryshojë.
Në mënyrë që sezoni të përfundojë sa më shpejt të jetë e mundur, “Daily Mirror” deklaron se UEFA po shqyrton mundësinë që formati me ndeshje vajtje ardhje për fazën çerekfinale dhe gjysëmfinale të ndryshojë. Për të caktuar se kush do të kalojë më tej do të zhvillohej vetëm 1 ndeshje.
Por për të mbërritur deri tek çiftet çerekfinale, mbeten për tu luajtur akoma edhe katër ndeshje për fazën e 1/16-ve të Ligës së kampioneve.
Gjithashtu thuhet se UEFA, po shpreson që data e finales së Ligës së Kampioneve më 30 maj në Stamboll të respektohet.
