Koronavirusi po dëmton ekonominë kudo në botë. Ky virus, ka vënë në panik gjithë shqiptarët, duke bërë kështu që të mbyllën shkollat e institucionet e tjera dhe njerëzit të qëndrojnë të izoluar në shtëpi.
Me ndalimin e gjithë aktiviteteve, disa prej emrave të njohur të skenës kanë ndaluar edhe koncertet. Ata përmes rrjeteve sociale, kanë treguar se mbrëmjet muzikore të planifikuara për këto dy javë janë ndaluar dhe do të mbahen në data të tjera.
Kjo gjë u shkakton atyre humbje financiare, pasi, shifrat me të cilat paguhen për një koncert nuk janë të vogla. “Syri.net Kosova” ka kontaktuar me disa nga emrat që koncertet e tyre i paraqitën të anuluara.
Dafina Zeqiri, Ermal Fejzullahu e Ronela Hajati u kontaktuan nga Syri.net Kosova, por, treshja në fjalë refuzuan të flasin pasi u ‘prekën’ në financa. Madje, Ronela u përgjigj shkurt duke thënë se për të primare është jeta e njerëzve.
