“Na dëgjoni, na mbështesni”/ Apeli i mjekut Tritan Kalo: Së bashku e mposhtim Covid 19

Mjeku i njohur, Tritan Kalo, i ka drejtuar një tjetër apel qytetarëve, lidhur me luftën ndaj koronavirusit. Kalo shkruan në rrjet se OBSH ka shpallur pandeminë, kjo na bën të jemi më alert, por edhe na relakson mendërisht.

“Vetndërgjegjësimi për rreziqet individuale dhe kolektive që paraqet infeksioni nga Covid-19, mbetet “kyçi i artë” i fitores së betejës ndaj sëmundjes vrastare….

Na dëgjoni, na besoni, na mbështesni në betejën tonë ndaj Covid-19, dhe të gjithë së bashku me siguri që do ta mposhtim atë….

Jemi për ju në vijën e parë të luftës ndaj sëmundjes Covid-19 për triumfin e jetës”, shkruan Kalo.

Apeli nga Tritan Kalo

MASË EPIDEMIOLOGJIKE e sugjeruar OBSH-së më 28 Shkurt, e cila më së fundmi u përcaktua si e tillë…Covid-19 tashmë është në stadin e PANDEMICITETIT të saj, diçka që na bën të jemi më ALERT në mundësinë e përhapjes si sëmundje në popullatë….

Përcaktimi i situatës epidemiologjike si një PANDEMI edhe na “rëlakson njëkohësisht mendërisht”, sepse jemi tashmë më shumë popuj në këtë BETEJË për jetën, dhe se kjo e keqe tashmë MUND e DUHET të mposhtet për hir të jetëve tona, si dhe të ardhmërisë së vetë njerëzimit……”TRIMI i mirë me shokë shumë” – shprehet populli ynë…..EKSPERIENCAT e fituara tashmë nga beteja me Covid-19 në Kinë, në Kore, në Iran, në Itali e gjetkë, na shërbejnë edhe NE si shembuj për atë çfarë mund dhe duhet bërë më mirë, si dhe të “korigjojmë shënjestrën” e objektivave tona….

LEXO EDHE  Qendra për Kontrollin e Sëmundjeve: Varianti Delta në mesin e sëmundjeve më ngjitëse që njeh shkenca

VETNDËRGJEGJËSIMI për rreziqet individuale dhe kolektive që paraqet infeksioni nga Covid-19, mbetet “kyçi i artë” i fitores së betejës ndaj sëmundjes vrastare….Na dëgjoni, Na besoni, Na mbështesni në betejën tonë ndaj Covid-19, dhe të gjithë së bashku me siguri që do ta mposhtim atë….JEMI për ju në vijën e parë të luftës ndaj sëmundjes Covid-19 për TRIUMFIN e JETËS!!!