Pasi shoku i tij i skuadrës, Daniele Rugani, rezultoi pozitiv me coronavirus, Cristiano Ronaldo nuk ka ndërmend të rikthehet në Itali.
Portugezi fillimisht udhëtoi drejt vendlindjes së tij në 9 mars për të vizituar mamanë e tij, por duke parë situatën aktuale në futbollin italian dhe në veçanti brenda ekipit të tij, ai do të qëndrojë në Madeira, ku do t’i nënshtrohet karantinës deri në momentin që të bëjë edhe vetë analizat. Lajmin e ka konfirmuar vetë skuadra e Juventusit.
“Cristiano Ronaldo nuk është stërvitur dhe ai mbetet në Madeira duke pritur të qartësohet situata lidhur me emergjencën aktuale shëndetësore”, thuhet në deklaratën e Juventusit.
Kujtojmë që çdo futbollist i Juventusit është një mbartës potencial i virusit, pasi një foto e Pjaniç-it pas fitores së bardhezinjve kundër Interit, tregon Ruganin dhe pjesën tjetër të skuadrës duke festuar në dhomat e zhveshjes.
DENONCO