Për shkak të situatës së krijuar së fundmi nga coronavirsi në Shqipëri, FSHF, ditën e djeshme bëri të ditur që zhvillimi i ndeshjeve në futbollin shqiptar do të luheshin me dyer të mbyllura.
Ndërsa sot, FSHF, ka njoftuar se ka anuluar grumbullimet e kombëtareve të moshave.
Njoftimi I FSHF-së:
Komiteti i Emergjencës në Federatën e Futbollit, në vlerësim të situatës së fundit të krijuar në vendin tonë dhe në vijim të konsultimeve me specialistët përkatës, ka vendosur anulimin e grumbullimeve dhe sfidave miqësore që ishin planifikuar për kombëtaret e moshave, si më poshtë:
U – 15 grumbullim rutinë, mes datave 16-20 mars;
2. U-19, grumbullimi në Shqipëri në datat 24-31 mars 2020, lidhur me dy ndeshjet miqësore me Kosovën. Ndeshjet ishin parashikuar të luheshin në datat 29 dhe 31 mars 2020, dhe ky vendim merret në mirëkuptim me Federatën e Futbollit të Kosovës;
3. U-20 grumbullim rutinë dhe miqësore me ekipet brenda Shqipërisë mes datave 25-30 mars 2020.
