Blogerja e njohur italiane, Chiara Ferragni dhe bashkëshorti i saj, reperi Fedez kanë mbledhur një shumë prej 3 milionë eurosh për të ndihmuar vendin e tyre në luftën kundër Koronavirusit. Me anë të një njoftimi në Instagram, ata kanë treguar se do të bëjnë një donacion për spitalin San Raffaele në ndihmë të trajtimit të rasteve me Koronavirus.
Kjo shifër është mbledhur në vetëm 24 orë dhe lajmin e ka dhënë vetë Chiara në Instagram duke i falenderuar të gjithë për kontributin.
“Ne arritëm më shumë se 3 milionë euro në 24 orë nga 165.000 donacione nga mbi 92 vende.
Mbledhja më e madhe e donacioneve të bëra ndonjëherë në Evropë. Kaq shumë donacione të tjera për spitalet italiane kanë filluar dje gjithashtu. Tani besoni kur them ‘fuqinë e ndarjes’? FALEMINDERIT dhe vazhdoni të dhuroni”– ka shkruar Chiara.
