Ambasadorja amerikane, Yuri Kim, dhe ai i Bashkimit Europian, Luigi Soreca zhvilluan një takim me kreun e Inspektoratit të Lartë të Drejtësisë, Artur Metanin.
Sipas një njoftimi nga ILD, diplomatët i kanë shprehur mbështetjen Metanit duke e konsideruar ILD si një institucion i rëndësishëm në sistemin e drejtësisë.
“Inspektori i Lartë Metani i njohu ambasadorët me detyrat dhe sfidat e institucionit të ri kushtetues, përgjegjës për verifikimin e ankesave, hetimin e shkeljeve disiplinore dhe fillimin e procedimit disiplinor ndaj gjyqtarëve dhe prokurorëve të të gjitha niveleve.
Ambasadorja Kim dhe ambasadori Soreca shprehën mbështetjen e fortë për punën e Inspektorit të Lartë të Drejtësisë, si një institucion i rëndësishëm në strukturën e sistemit të drejtësisë”, thuhet në njoftimin e ILD.
