Oriola Pampuri i ka dhënë një ultimatum drejtuesit të emisionit “Opinion” që të zgjedhë mes saj dhe drejtorit të Urgjencës Kombëtare, Skënder Brataj, si të ftuar në studio. Teksa Brataj po shpjegonte masat e marra për koronavirusin në Shqipëri, Oriola Pampuri fliste herë pas here dhe shprehej që ai ka mashtruar shqiptarët, referuar denoncimit të maskave të skaduara nga ana e Sekretarit të Përgjithshëm të Partisë Demokratike.
“Zonjë ju lutem mos i shtrembëroni turinjtë,”- tha Brataj që nxiti reagimin e Pampurit. Kjo e fundit u shpreh se Drejtori i Urgjencës Kombëtare duhet t’i kërkojë falje, ose do ikte nga studioja.
“Kërko falje për këtë që the. Kërko falje po të them. Fevzi duhet të kërkojë falje. Ose ai ose unë këtu në studio, të kërkojë falje për atë fjalë që tha,”- u shpreh Pampuri.
“Moj zonëj po unë mund edhe të kisha bërë si ju me zotëri me zotëri,”- tha Brataj.
“Keni mashtruar popullin, tregoni të vërtetën,”- tha Pampuri. Këtu ndërhyri edhe Fevziu, që iu drjetua Pampurit.
“Çfarë është e vërteta zonja Pampuri, çfarë duhet të dijë populli?”- tha gazetari.
“Që ky ka mashtruar popullin për maskat,”- tha Pampuri.
“Po mirë unë s’kam kaluar ende tek maskat, do kaloj dhe aty. Tani ky e ka mashtruar popullin?”- shtoi Fevziu.
“Jo ky por kryeministri Rama, njësoj janë,”- tha Pampuri.
“Po mirë, thuaj kryeministri jot ka mashtruar popullin,”- u shpreh Fevziu.
