Numri i personave të prekur nga koronavirusi në Shqipëri ka arritur në 10 persona. Kjo është bërë e ditur nga Ministria e Shëndetësisë, sipas të cilës nga 114 analizat e kryera kanë rezultuar pozitive 10 raste.
Ministria e Shëndetësisë bëri të ditur se dy nga 10 rastet janë të palidhur me pacientin e cilësuar si zero, i cili është 28 vjeçari me origjinë nga Puka, por banor në Tiranë. Një nga të infektuarit është shtruar në spitalin e Durrësit.
Zyrtarët e Ministrisë së Shëndetësisë i kanë drejtuar një apel qytetarëve që të kujdesen për higjenën personale, veçanërisht në larjen e duarve.
Gjithashtu, i është drejtuar një apel qytetarëve që të shmangin grumbullimet dhe qëndrimet në ambiente publike, përfshi këtu edhe lokalet. Po kështu qytetarëve iu kërkua që të shmangin transportin publik.
