Milani është mposhtur në shtëpi nga Genoa me rezultatin 1-2, në ndeshjen e vlefshme për javën e 26-të të Serisë A.
Edhe pse zhvilloi një pjesë të parë mjaft pozitive duke luajtur lart dhe krijuar raste për shënim, Milani e pa veten në disavantazh të dy golave. I pari u shënua nga veterani Goran Pandev (7’), i cili shënoi për 0-1, ndërsa Francesco Cassata (41’) çoi epërsinë në 0-2.
Në pjesën e dytë, Milani arriti ta rris nivelin e lojës dhe rasteve duke krijuar më shumë, derisa gjeti edhe një gol të pamjaftueshëm. Goli i vetëm në këtë pjesë erdhi në minutën e 77-të dhe ishte ylli suedez, Zlatan Ibrahimoviç, i cili shënoi për 1-2 dhe ky rezultoi të jetë rezultati përfundimtar.
