Ditën e sotme luhen tre ndeshje të vlefshme për javën e 26-të të Kategorisë Superiore.
Takimi i parë, luhet në orën 14:00 mes Luftëtarit dhe Bylisit. Ballshiotët kanë një shans të mirë për të marrë 3 pikët në këtë transfertë duke parë sezonin e dobët që ka zhvilluar Luftëtari. Pas humbjes në Laç kjo është autokritika e duhur për skuadrën e drejtuar nga Veljko Dovedan, që për këtë vit ende nuk e ka provuar shijen e fitores në kampionat.
Në të njëjtën orë luan edhe Teuta, që përballet në stadiumin “Niko Dovana” me Flamurtarin e vendit të fundit. Në Durrës janë djegur një herë me Luftëtarin dhe e kanë vlerësuar maksimalisht këtë ndeshje dhe do tentojnë ta kalojnë me sukses. Kjo fitore është shumë e rëndësishme për skuadrën e drejtuar nga Edi Martini.
Padyshim sfida ku do të jenë gjithë sytë është ajo mes Tiranës dhe Laçit, e cila luhet në orën 17:00 në stadiumin “Air Albania”. Bardheblutë si kryesues të kampionatit do të kërkojnë triumfin e radhës dhe për pasojë edhe shkëputjen në kryesim. Kundërshtarët e Laçit ndodhen në vendin e tretë dhe, për këtë ndeshje do të kenë disa mungesa të rëndësishme. Gjithsesi nuk ka vend aspak për nënvlerësim dhe trajneri Emanuel Egbo e tha qartë dje në konferencë për shtyp.
