Ndërsa dizanjuesi gjerman Karl Friedrich Benz është i njohur për pothuajse të gjithë ata që ndjekin historinë e industrisë së automjeteve, sepse ai krijoi Motorwagen Benz Patent, gruaja e tij Bertha Benz, është ende e pazbuluar në madhështinë e saj, përcaktuese në markën më prestigjioze të automjeteve.
Përkatësisht, Bertha Benz është e kredituar në mënyrë të barabartë me suksesin e projektit të parë të automjeteve motorike, karrocën e motorizuar të quajtur Motor Benz Patentë. Ajo e dinte që burri i saj shpesh ishte i dyzuar për shpikjet e tij, se kishte shumë pak besim te vetja dhe aftësitë e tij, edhe pse ishte një inovator i shkëlqyer.
Për t’i provuar atij se Benz Patent Motorwagen ishte një shpikje vërtet e shkëlqyer, një mëngjes gushti të vitit 1888, me ndihmën e djemve, ajo nxori me qetësi automjetin nga garazhi dhe u nis në një udhëtim të guximshëm prej më shumë se 200 kilometrash me ta.
Kur Karl Friedrich Benz u zgjua, gjeti mesazhin e Berthës në tryezë duke thënë se ajo ishte larguar me fëmijët, Richardin 13 vjeç dhe Eugenin 15 vjeç, për të vizituar nënën e saj gati 100 km larg. Në këtë rrugëtim, Bertha Benz hasi në vështirësi të shumta, por me njohuritë e saj të lakmueshme për inxhinierinë mekanike ishte në gjendje të zgjidhte gjithçka.
Kështu, kur motori 0.9 kuaj fuqi u nxeh, ajo e futi karrocën motorike në një pellg uji. Kur frenat prej druri dështuan, ajo u ndal te një marangoz ku i bëri prej lëkure. Kur linja e karburantit u bllokua, ajo përdori një gjilpërë nga kapela e saj për ta zhbllokuar. Kur pati një problem me telat ndezës, hoqi çorapet duke i izoluar ato. Në gjysmën e rrugës, kur u la nga karburanti, ndaloi në një farmaci dhe bleu naftë.
Gjatë këtij udhëtimi nga Mannheimi në Pforzheim e kthim, Bertha Benz shkroi historinë saj, si dhe të Benz Patent Motorwagen.
Kur u kthye në shtëpi, ajo i tregoi Karl Friedrich Benz të gjitha vështirësitë që hasi, duke e orientuar drejt modifikimeve të para.
Kështu pra, një grua dhe guximi i saj, kanë gjurmët e tyre në perandorinë mbi katër rrota – Mercedez Benz.
