Një lajm i mirë vjen nga Napoli, ku mjekët kanë parë një përmirësim të shëndetit të dy pacientëve me koronavirus pasi u mjekuan nga ilaçi anti-artrit.
Sipas medias InMeteo, ilaçi që ka shëruar dy pacientë me koronavirus zakonisht përdoret në trajtimin e artritit reumatoid, si dhe është një ilaç me zgjedhje në trajtimin e sindromës së çlirimit citokimik.
Ilaçi u përdor te dy pacientë të pranuar në spitalin Cotugno, në qytetin napolitan.Në të dyja rastet, që vuanin nga pneumonia e rëndë Covid 19, përmirësimet ishin të dukshme brenda 24 orëve.
Në bazë të këtyre elementëve të parë “mundësia e trajtimit të pacientëve të tjerë me sëmundje kritike po vlerësohet”.
Në rang global, deri më tani janë regjistruar 3599 viktima dhe mbi 105 mijë njerëz janë të infektuar me virusin vdekjeprurës. Vendi më i prekur nga koronavirusi në Europë është Italia, e cila ka izoluar tërësisht rajonin e Lombardisë.
Po kështu, vazhdojnë të vdesin njerëz nga koronavirusi, në SHBA, Australi, Iran, Kore, Francë e Gjermani. Shënohet viktima e parë edhe në Amerikën e Jugut. Ndërkohë në Shqipëri nuk ka asnjë person të infektuar.
