Situata e Coronavirusit e ka vendosur futbollin në Itali në një kaos total. Në orën 12:30 ishte programuar të luhej sfida mes Parmës dhe Spal-it, por arbitri i ndeshjes ka anuluar gjithçka dhe i ka urdhëruar lojtarët të shkojnë në dhomat e zhveshjes.
Shkak për këtë është bërë ministri i sportit në Itali, Vinçenco Spadafira, i cili ka kërkuar që federata të vlerësojë shtyrjen e ndeshjeve pasi sipas tij, vetë arbitrat dhe lojtarët gjenden përpara një rreziku të madh.
Në këtë situatë rrezikon të shtyhen edhe ndeshjet e tjera që janë planifikuar sot, ku spikat ajo mes Juventusit dhe Interit. Megjithatë deri më tani asgjë nuk është zyrtare ndërsa në orët e ardhshme do të mësohet më shumë.
