Chelsea ka arritur një fitore të thellë 4-0 kundër Evertonit, në ndeshjen e vlefshme për raundin e 29-të Premier Ligës.
Ishte gjithçka e lehtë për skuadrën e Frank Lampard, ndërsa Everton i drejtuar nga Carlo Ancelotti ishte thuajse inekzistent gjatë gjithë ndeshjes.
Ndeshje praktikisht u mbyll brenda 45 minutave të para, ku “Blutë” ndërtuan avantazhin e dyfishtë me golat e Mason Mount dhe Pedro në minutat 14’ dhe 21’. Në pjesën e dytë luhej e njëjta muzikë me Chelsea-n, që kontrollonte lojën dhe shfaqej rrezikshëm para portës kundërshtare.
Rezultatin përfundimtar do ta vendosnin braziliani Willian dhe Olivier Giroud të cilët shënuan në minutat 51’ dhe 54’ duke arritur fitoren e madhe.
Me këtë rezultat Chelsea ngjitet në kuotën e 48 pikëve dhe mbron me fanatizëm vendin e katërt ndërsa kërcënon Leicesterin për pozitën e tretë.
