Koronavirusi shfaqet edhe në Maltë/ Pacienti i parë një 12 vjeçare

Rasti i parë i koronavirusit në Maltë është zbuluar te një vajzë 12-vjeçare italiane që jeton në ishull, tha të shtunën Ministri i Shëndetësisë, Chris Fearne.

Vajza rezultoi pozitive për koronavirusin dhe po merr trajtim në njësinë e sëmundjeve infektive të spitalit shtetëror, thanë autoritetet.

LEXO EDHE  Merret në mbrojtje guvernatori i Lombardisë, akuzohet si "vrasës" i viktimave nga Covid-19

Ajo u kthye në fund të muajit të kaluar nga rajoni verior italian i Trentino, duke kaluar nëpër kryeqytetin Romë, me prindërit dhe motrën e saj dhe shfaqi simptoma të premten.

Gjendja shëndetësore e 12-vjeçares raportohet e mirë.