Presidenti Ilir Meta i ka kthyer përgjigje Kryetarit të Kuvendit, Gramoz Ruçi, i cili tha sot se do e mirëpriste Kreun e Shtetit, sa herë të dëshironte të vizitonte Parlamentin.
Meta tha se beson që Ruçi do të kërkojë hetim për çështjen e Ministrisë së Drejtësisë, se e kupton fare mirë që është vepër e patolerueshme, sepse faktet e reja që ndodhën kërkojnë analizë nga Kuvendi për t’u pozicionuar në anën e shtetit të së drejtës, jo të një grupi mafioz që po asgjëson edhe atë pak legjitimitet që i ka mbetur Kuvendit.
“Po dëgjoja kryetarin e kuvendit dhe kam një pyetje miqësore, instutucionale dhe shoqërore pse duhet të krijohet kjo situatë kur presidenti në kohën e duhur i ka kërkuar bashkëpunim, luajalitet kushtetues të mos shkelim e dëmtojmë kushtetutën, të veprojë sa më shpejt për anëtarin e parë të Kushtetueses, që presidenti të bënte veprimin tjetër dhe nuk kam marrë asnjë përgjigje përkundrazi, të hënën 3 orë para se të vendosnin për dy vakancat, ka bërë një mesazh publik që e ka marrë vesh cdo deputet dhe cdo qytetar, por besoj ai do të kërkojë hetim për këtë cështjen e Ministrisë së Drejtësisë, se e kupton fare mirë që është vepër e patolerueshme, sepse faktet e reja që ndodhën kërkojnë analizë nga Kuvendi për t’u pozicionuar në anën e shtetit të së drejtës, apo të një grupi mafioz që po asgjëson edhe atë pak legjitimitet që i ka mbetur kuvendit”, u përgjigj Meta.
Më herët, Gramoz Ruçi tha se secili institucion është sovran, Parlamenti për hartimin e ligjeve dhe Presidenti për dekretet që miraton apo kthen për rishqyrtuar në Kuvend.
“Më obligon Kushtetuta të mirëpres Presidentin sa herë dëshiron të vizitojë Parlamentin ose do të mirëprisja dhe do të lexoja çdo mesazh që ai do i drejtonte Parlamentit”, tha Ruçi.
