Pas Kinës, situata më dramatike e krijuar nga përhapjen e koronavirusit mbetet Irani. Auroritetet vendase të shëndetësisë parashikojnë se dy javët në vijim mund të infektohet 40 % e popullsisë së kryeqytetit iranian, Teheranit. Anëtari i Komitetit Kombëtar për mbrojtjen nga virusi, Masoud Mardani tha se virusi Covid-19 deri me 20 mars mund të përhapet tek 40 për qind e atyre që jetojnë në Teheran, metropoli ku jetojnë mbi 8 milion banorë.
Eksperti i sëmundjeve infektive në një deklaratë për gazetën “Iran”, organi zyrtar i qeverisë, tha se Covid-19 po përhapet me shpejtësi. Një person i diagnostikuar me sëmundjen vdekjeprurëse mund të infektojë në moment 4 persona. Ai thekson se 80 për qind e rasteve të koronavirusit nuk shfaqin shenja të sëmundjes dhe se simptomat shfaqen tek shumë pak persona të prekur me këtë virus.
Sipas tij “disa prej të prekurve nga koronavirusi mund të shërohen nga 3 deri në 5 ditë pa shfaqur simptoma klinike”. Sipas Anëtarit të Qendrës për luftimin e koronavirusit në Iran, Hamid Suri, rastet e sëmindjes do të vazhdojnë në rrtitje deri deri në fund të muajit mars dhe më pas do të vijnë në rënie nëse lufta kundër virusit do të jetë efikase.
