Aktivisti Aulon Kalaja, shprehet se prej dy vitesh vendi ynë është pa Gjykatë Kushtetuese. Më tej, aktivisti i njohur theksoi edhe çështjen e shkarkimit të Presidentit nga mazhoranca, për të cilën tha se kësaj të fundit i ka mbetur si patate e nxhetë në dorë. Kalaja deklaroi se kuvendi nuk e shkarkon dot Metën, por vendimin e jep Gjykata Kushtetuese të cilën nuk e kemi.
“Vendi ynë ka 2 vite pa Gjykatë Kushtetuese. E kuptoni çfarë çmendurie është kjo. A do pranonte një vendn tjetër të qëndronte pa Gjykatë Kushtetuese? Po perifrazoj fjalët që tha Presidenti ditnë e djeshme. Ne kemi dy vite. Unë kam protestuar kundër marrëveshjes së detit me Greqinë dhe ne kemi patur si yll polar çështjen e Gjykatës Kushtetuese.
Në rast se Edi Rama çmendet dhe parlamenti njëngjyrësh me analfabetët funksional e votojnë marrëveshjen e detit e cila është në kurriz të Shqipërisë, sepse humbim kilometra det, zonat ekonomike ekskluzive. Ajo marrëveshje ka dhe çështje të tjera. Për ta goditur duhet të kemi Gjykatën Kushtetuese.
Kemi çështjen e tetatrit, Unaza e Re. Kemi protestuar e kemi ngritur zërin. Apo halli i madh që i ka mbetur si patate e nxehtë mazhorancës, shkarkimi i Metës, që nuk e bëjnë dot. Kuvendi nuk e shkarkon dot, por vendimi i Gjykatës Kushtetuese.”-tha Kalaja.
