Luan Rama, ish-deputet i LSI-së, ka reaguar pas publikimit të shifrave nga Zyra Europiane e Azilantëve, sipas të cilës Shqipëria zë vendin e parë në botë për numrin e azilkërkuesve. Rama shkruan në rrjet se shpopullimi është rrezik kombëtar, ndërsa shprehet se shifrat janë alarmante.
“Duke iu referuar gjithnjë të njejtit burim, pra Zyrës Europiane të Azilantëve (EASO), rezulton se në vitin 2019, aplikimet për azil nga Shqipëria ishin 22.9 mijë, me një rritje prej 2% në raport me vitin 2018, çfarë në fakt shënon rikthim në tendencën rritëse të këtij treguesi!
Shifrat janë alarmante. Ato tashmë dëshmojnë se jemi përballë një kërcënimi kombëtar, i cili nëse nuk parandalohet, do të sjellë pasoja katastrofike!
Mungesa e reagimit shtetëror është e pafalshme!
Mosveprimi i qeverisë është kriminal!”, shkruan Rama.
Postimi nga Luan Rama
Shpopullimi – rrezik kombëtar!
Shqipëria, vendi i parë në botë për numrin e azilkërkuesve!
Sipas Zyrës Europiane të Azilantëve (EASO), Shqipëria zë vendin e parë në botë për numrin e azilkërkuesve, duke lënë pas edhe vënde që janë në luftë si Siria, apo vënde me probleme të mëdha në standardet e lirisë, demokracisë dhe të të drejtave të njeriut si Afganistani, Venezuela, Iraku etj!
Shifrat e vitit 2019 nuk kanë nevojë për koment:
Shqipëria – 59 aplikime për azil për 10 mijë banorë!
Siria – 39 aplikime për 10 mijë banorë!
Afganistani – 17 aplikime për 10 mijë banorë!
Venezuela – 14 aplikime për 10 mijë banorë!
Iraku – 9 aplikime për 10 mijë banorë!
Duke iu referuar gjithnjë të njejtit burim, pra Zyrës Europiane të Azilantëve (EASO), rezulton se në vitin 2019, aplikimet për azil nga Shqipëria ishin 22.9 mijë, me një rritje prej 2% në raport me vitin 2018, çfarë në fakt shënon rikthim në tendencën rritëse të këtij treguesi!
Shifrat janë alarmante. Ato tashmë dëshmojnë se jemi përballë një kërcënimi kombëtar, i cili nëse nuk parandalohet, do të sjellë pasoja katastrofike!
Mungesa e reagimit shtetëror është e pafalshme!
Mosveprimi i qeverisë është kriminal!
