Kryeministri Edi Rama ka humbur një gjyq ndaj ish-Kryeministrit Sali Berisha. Njoftimi është bërë nga avokati Dorian Matlija, sipas të cilit seanca është zhvilluar në fund të dhjetorit.
Kryeministri Rama ka ngritur me dhjetra padi për shpifje ndaj kujdo që denoncon apo ngre akuza ndaj tij, dhe Kreu i Qeverisë i vlerëson si shpifje.
Madje kohë më parë, Rama deklaronte i bindur se do t’i fitonte të gjitha proceset gjyqësore që ka hapur ndaj politikanëve dhe gazetarëve dhe në rast të kundërt do të dorëhiqet nga posti që mban.
“Diku nga fundi i dhjetorit, kur kapardisej në Kuvend që do i fitonte të gjitha gjyqet për shpifje, Rama tha se po te humbte një gjyq do ikte nga skena. Ja pra që ndodhi. Humbi gjyqin me Berishën, pasi nuk bindi dot një gjyqtare që e ka kaluar ventingun. Të ishte burrë do jepte dorëheqjen, por meqë është legen po pres të bëjë justifikimet e zakonshme apo heshtjen sikur nuk ka ndodhur asgjë. Mos më zhgënje o Skënderbe i mbetur në tentative“, shkruan avokati Dorian Matlija
