Nis shitja e biletave për finalen e Ligës së Kampioneve, këto janë çmimet

Biletat për finalen e Ligës së Kampioneve që do të mbahet në stadiumin “Atatürk Olympic” në Turqi, kanë dalë në shitje.

UEFA bën të ditur se shitja e biletave fillon sot në orën 14:00 dhe do të vazhdojë deri në datën 12 mars, ndërsa sigurimi i biletave do të bëhet nëpërmjet platformës online të UEFA-s.

Duke u konsultuar me Rrjetin e Përkrahësve të Futbollit në Europë, (FSE), UEFA ka deklaruar se çmimet do të jenë të njëjtat me finalen e vitit të kaluar. Çmimet e biletave do të variojnë nga 70 euro deri në 600 euro.

LEXO EDHE  Mbyllet marrëveshja, klubi më i vjetër në Serie A bëhet me pronarë amerikanë

Çmimet e biletave sipas kategorive:

Kategoria 4: 70 euro

Kategoria 3: 180 euro

Kategoria 2: 450 euro

Kategoria 1: 600 euro