Presidenti Ilir Meta ka paralajmëruar shpërndarjen e parlamentit nëse mazhoranca nuk reflekton për ligjin e betimit të anëtarëve të Gjykatës Kushtetuese deri me 15 mars.
Nënkryetari i LSI, Petrit Vasili, thotë se kush marroset dhe shkel Kushtetutën duhet të hapë krahun dhe të ndiqet penalisht.
Vasili: Ka një pjesë që është politike dhe një pjesë mjekësore. Politike bëhet fjalë për një sharlatan. Presidenti nuk është shprehur ende për parlamentin ende, ka thënë çfarë do të kërkojë populli.Parlamenti me vullnet të plotë ka shkelur Kushtetutën dhe i ka grabitur qindra milionë euro me dividentin. Kur marrosesh dhe shkel Kushtetutën ikën në shtëpi dhe duhet të ndiqesh deri në fund për veprimin që ke bërë.
I ftuar në Rtv Ora, Vasili tha se mazhoranca është e kapur, e kriminalizuar dhe idiote.
Diversionit të socialistëve se Presidenti me tubimin e 2 marsit po tenton të marrë lidershipin e opozitës ai i jep këtë përgjigje.
Vasili: Këto janë mendime të opozitës në parlament për mazhorancën që ishte në shesh. Ti mendon se kanë hallin e opozitës këta, shqetësohen për opozitën që është në gjendje të nxjerrë 100 mijë vetë në shesh. Nuk ofendojnë dot kamerat tuaja. I nxjerrin vetë konkluzionet sesa unike apo e përçarë është opozita. Këta kanë të drejtë se janë të privilegjuar para Kushtetutës, e shkelin kur të duan. Kush se kupton dot Ilir Metën ose është idiot, ose është i lig.
Ish-kreu i grupit parlamentar të LSI-së nuk kurseu dhe akuzat ndaj Ministres së Drejtësisë, Etilda Gjonaj.
Vasili: Për Minsitren e Drejtësisë ka pyetje të tjera. Pse të ikin kriminelët nga burgjet, pse i lironi, i çoni në spitale private, u ikin? Lidhjet me bandën e Habilajve. Kurse për reformën në drejtësi, nga studio e Orës pyes cili është roli dhe çfarë mund të bëjë ajo në reformën në drejtësi. Të më citojë nenin dhe pikën. Si falsifikatore po. Skandaloze dhe e trashë. Një Ministre që boton në Fletoren Zyrtare pa i kërkuar njeri gjë. Porosit ma çoni një letër për justifikim dhe kërkesa është më e vonë se urdhri që ka dhënë. Këto nuk i falen. Falsifikimi kishte të bënte me rrëmbimin e Gjykatës Supreme të Shqipërisë. Zero rol në reformën në drejtësi, rol maksimal si falsifikatore.
