Prokuroria e Posaçme-SPAK- i ka komunikuar akuzën për “mosdeklarim të ardhurash në kufi” ish-Prokurorit të Përgjithshëm, Adriatik Llalla, në përfundim të afatit 2-vjeçar të hetimit.
Tashmë pritet që kërkesa e prokurorit të çështjes të shqyrtohet nga gjyqtari i seancës paraprake në Gjykatën Kundër Korrupsionit dhe Krimit të Organizuar.
Hetimi ndaj ish-Kryeprokurorit nisi nga Prokuroria e Durrësit, në Mars 2018. Më tej, hetimi kaloi në kompetencë të ish-Prokurorisë për Krime të Rënda.
Pas shkrirjes së kësaj të fundit, hetimi ndaj Llallës u zhvillua nga Struktura e Posaçme Anti-Korrupsion (SPAK), si struktura kompetente për hetimin e ish-zyrtarëve të lartë.
