debate të ashpra mes zëdhënësit të Presidentit dhe atij të kreut të Grupit Parlamentar socialist, Taulant balla.
Besjan Ajazi, në rolin e këshilltarit të Ballës, publikoi një foto në të cilën pretendonte se Presidenti Meta kishte ndarë tavolinën me një anëtar të familjes Hajri.
“Më vjen keq për gjuhën që përdor në mënyrë të vazhdueshme zëdhënësi i Presidentit, ish-kolegu im Tedi Blushi dhe shpërdorimin e tij nga ana e Presidentit apo kushdo që i shkruan.
Zoti President nëse sjellja juaj në këto kohë vjen nga dhimbjet që po shkakton OFL në botën e krimit atëherë po të themi mirë është të mos merresh me Hajrin se nuk ke për të bërë kurrë hajër. P.s. Foto e Presidentit Ilir Meta në Vilën “Golden” në Shijak, e sekuestruar nga OFL, në pronësi të grupit kriminal “Hajri”, shkruan Ajazi.
Por i menjëhershëm ka qenë reagimi i Blushit, i cili shprehet se foto bie erë iceneratorësh.
“Sa për foton, bie erë iceneratorësh kjo flluskë e mjerë!
Por mos humb më asnjë sekondë!
Çoje direkt drejt SPAK-ut!
Bashkë me të edhe bisedën e freskët tek zyra e ministrit për të ekstraduar të vëllanë nga Italia në Shqipëri!
Bashkë me to trego edhe shokët e motrës!
Bëj durim Tao se nuk do gjesh as ti vrimë ku të futesh!
DËGJOJE prapë SOVRANIN dhe bëj durim! Me qetësi dhe drejtësi!”, shkruan Blushi.
