Kreu i SPAK, Arben Kraja në fjalën e tij në konferencën “Sfidat e Prokurorisë së Përgjithshme në Dritën e Reformës në Drejtësi” u shpreh se është i ndërgjegjshëm se njerëzit presin rezultate nga kjo struktura e re e drejtësisë që do të luftojë krimin dhe korrupsionin në nivele të larta, por kërkoi kohë, pasi çdo gjë do të bazohet në prova.
Kraja bëri me dije se BKH eshtë në fazën e krijimit dhe shumë shpejt do të jetë efikase.
“Pastrimi i parave, krimi financiar dhe asetet kriminale janë disa nga sfidat. Pavarësisht se jemi të pavarur si SPAK, por nuk jemi kështu në qëllime, metodika dhe objektiva. Duhet të kemi bashkëpunim. Jo vetëm në këtë aspekt, por edhe menaxhimit, administrativ, prokuroria e përgjithshme ka eksperiencë që kemi nevoja të shfrytëzojmë. Sfidat e SPAK, që është krijuar para dy muajsh. Struktura akoma nuk është ku duhet nga formimi, fillimi është i mirë, ka shumë sfida, që kanë të bëjnë me strukturën nga ana administrative, por edhe rezultatet në hetim.
Ne jemi në fazën e krijimit të BKH-së, që do të realizojë hetimin. Procedura është publike, shumë transparente. Kemi katër kandidat, vettingu do të jetë shumë transparent, që e organizon vetë SPAK me një komision me short. Kam besim se shumë shpejt do të jetë efikase. Të gjithë njerëzit presin rezultate. Prokurorët e SPAK janë të përgjegjshëm do të jenë të matur dhe bazuar në prova, që nuk do të diskutohet. Kjo kërkon kohën e duhur. Do të jemi konkret në kohën e duhur, jua garantoj këtë. Ajo që duhet të bëjmë është t’u garantojmë kushtet” tha kreu i SPAK, Arben Kraja.
