Lajm i mirë në familjen Ronaldo. Ylli i Juventusit, Cristiano Ronaldo, sapo dha një njoftim të fundit në lidhje me gjendjen e nënës së tij.
Ajo është e shtruar me urgjencë në spital për shkak të një iktusi dhe Ronaldo njoftoi me një postim në Twitter se shëndeti i saj tashmë është nën kontroll.
“Falenderoj të gjithë për mesazhet e urimit për mamanë time. Ajo është e stabilizuar dhe e shtruar në spital. Unë dhe familja ime falenderojmë stafin e mjekëve, të cilët po kujdesen për të, dhe kërkojmë që të na jepet pak privatësi”, shkruan sulmuesi portugez.
Më herët gjatë ditës, u raportua se Ronaldo ka lënë Torinon dhe është nisur drejt Portugalisë për t’i qëndruar pranë nënës së tij.
