Kryesia e PS-së ka nisur një mbledhje në selinë e kësaj partie. Mbledhja e Kryesië mbahet vetëm pak orë para nisjes së manifestimit të thirrur nga Presidenti Ilir Meta, dhe një ditë pas Kongresit 3-ditor të socialistëve, ku u zgjodhën edhe anëtarët e rinj të Asamblesë Kombëtare.
Burime nga PS konfirmojnë se mbledhja ka karakter organizativ, por edhe mbi situatën politike në vend dhe nismat që do të ndërmarrë mazhoranca në Kuvend.
Pritet që gjatë muajit mars, Asamblea Kombëtare të mblidhet dhe të zgjedhë Kryesinë e re të socialistëve, ku me shumë gjasa pritet që të konfirmohen mbi 90 % e anëtarëve aktualë.
Pasditen e sotme, Presidenti Meta ka thirrur një manifestim që sipas Kreut të Shtetit synon mbrojtjen e Kushtetutës.
Rilindja e ka ironizuar “Besëlidhjen”, sikundër e quan Meta, me “Besliken”.
