Komisioni i Pavarur i Kualifikimit pranoi sot kërkesën për shtyrje me dy javë të seancës dëgjimore për subjektin e rivlerësimit Bernina Kondi. Kjo e fundit paraqiti në KPK një raport mjekësor, duke pamundësuar zhvillimin e seancës.
Seanca u caktua të zhvillohet më 18 Mars, ora 10:00. Trupa gjyqësore që po kryen procesin e vetingut për gjyqtaren Kondi përbëhet nga Xhensila Pine, Olsi Komici dhe Brunilda Bekteshi.
Kondi ka mbaruar Shkollën e Magjistraturës në vitin 2004 dhe është emëruar gjyqtare në Gjykatën e Beratit. Në vitin 2011, Kondi është emëruar kryetare e Gjykatës së Beratit, ndërsa në vitin 2013 është dekretuar si gjyqtare e Gjykatës Administrative të Tiranës, raporton Birn.
Prej vitit 2014, ajo e ushtron funksionin në Gjykatën Administrative të Apelit.
