Moderatori i njohur dhe gazetari Adi Krasta do të ngjitet në skenën e Teatrit Kombëtar në datën 7 mars.
Vetë Krasta ka ftuar qytetarët të jenë në sallën e Teatrit, atje ku prej dy vjetësh Aleanca për Mbrojtjen e Teatrit mbron godinën nga shembja që kërkon t’i bëjë Kryeministri Edi Rama dhe Kryebashkiaku Erion Veliaj.
“Me shumë gëzim kam pranuar ftesën dashamirëse të Aleancës për Mbrojtjen e Teatrit Kombëtar që të bëj një prani publike në skenën e jashtëzakonshme të tij.
I’a dedikoj këtë mbrëmje të folur qytetarëve të lirë të Tiranës që hapur ose në heshtje e kanë mbështetur këtë kauzë.
Është një takim me Shoqërinë e Vërtetë Civile. Me atë që nuk pranon të blihet.
Në një kohë ku vlen të bëhet përpjekje e palodhur për të kuptuar Teatrin si tempull i njerëzve me mendje e zemër të papushtueshme.
Në Teatrin Kombëtar në 7 Mars ora 20:00”, shkruan Krasta.
