Ndërkohë që në Gjykatën e Përmetit pritet të nisë seanca për vendosjen e masave të sigurisë ndaj të 31 të ndaluarve në kuadër të operacionit “Mezhgorani”, mes të cilëve është edhe botuesi, analisti dhe pronari i UET-së, Henri Çili, janë hedhur dyshime mbi dekonspirimin e aksionit.
Mediat raportojnë se një gjyqtare ka dekonspiruar operacionin ‘Mezhgorani”, duke njoftuar njërin prej të ndaluarve, përmes familjarëve të saj, se po përgatitej arrestimi.
Nuk dihet ende se çfarë ka ndodhur, por raportohet se ndaj gjyqtares është regjistruar edhe një kallzim penal.
Deri më tani seanca në ngarkim të 31 të arrestuarve nuk ka nisur, pasi edhe gjyqtari i dytë, Dritan Hasani, është tërhequr, pasi ka pasur shok shkolle një prej të ndaluarve.
Prokurori i çështjes, Asllam Bajrami, më parë kishte kërkuar përjashtimin e gjyqtares, Myrvete Shkreli.
