Avokati i njohur Ledio Braho, përmes një postimi në Facebook ka deklaruar se nesër në orën 17:00 do të jetë i pranishëm në manifestimin e thirrur nga presidenti Ilir Meta, në mbrojtje të Kushtetutës.
Në postimin e tij Braho thekson se ai do të jetë në shesh jo për partitë politike, por për mbrojtjen e ligjit dhe demokracisë në vend.
Braho ka renditur një listë të gjatë arsyesh që e bëjnë atë të dalë nesër në orën 17:00 në Bulevardin ‘dëshmorët e Kombit’.
Sipas Brahos, kapja e shtetit, institucioneve, shndërrimi i Shqipërisë në shtet policor, mosfunksionimi i gjykata dhe drejtësisë, janë arsye të forta që ai dhe çdo shqiptar tjetër të dalë të marrë pjesë në këtë manifestim.
Ja postimi i plotë i Brahos:
Neser ne ora 17:00 nuk do dal as per emra e as per parti politike, por DO DAL per Shqiperine dhe:
– kunder bllokimit dhe mosfunskionimit te Gjykates Kushtetuese dhe Gjykates se Larte;
– kunder mosfunksionimit te gjyqesorit ne terezi;
– kunder zvarritjes se proceseve gjyqesore ne limitet e qesharakes (se procesi rregullt ligjor as nuk pretendohet me);
– kunder emerimit te burokrateve te administrates si gjyqtare te Gjykates Kushtetuese;
– kunder kapjes se pushtetit gjyqesor nga pushteti ekzekutiv;
– kunder linçimit te gjyqtareve dhe prokuroreve sa here ata guxojne te bejne drejtesi;
– kunder heshtjes se KLGj dhe KLP sa here lincohen gjyqtare dhe prokurore nga kryeministri, nenkryeministri apo dhe cdo perfaqesues tjeter i maxhorances ne pushtet;
– kunder perdorimit te vettingut si mjet presioni per uzurpimin e gjyqesorit;
– kunder perdorimit te Reformes ne Drejtesi si alibi per sanksionimin e padrejtesise edhe per dekadat qe do te vijne;
– kunder kryetareve te komisionit te ligjeve qe kane dale ne pergjime si cenues te votes se lire;
– kunder OFL si strukture KÇK me justifikimin anti KÇK;
– kunder shnderrimit te SPAK ne zgjatim te OFL;
– kunder shnderrimit te Policise se Shtetit ne simoter te Sigurimit te Shtetit;
– kunder shnderrimit te Kushtetutes ne nje leter te pavlere; dhe
– kunder demokracise vetem ne leter…
