Lideri i një sekti fetar në Korenë e Jugut pritet të akuzohet për vrasje pasi disa persona ndërruan jetë për shkak të koronavirusit.
Prokurorët do ngrenë akuzë ndaj Lee Man-hee, themelues i Kishës Shincheonji dhe 11 personave të tjerë. Ata akuzohen se kanë fshehur emrat e disa prej anëtarëve, teksa zyrtarët po gjurmonin rastet e pacientëve me koronavirus.
Koreja e Jugut është vendi me më shumë të prekur nga sëmundja pas Kinës. Në total raportohen se janë 3730 raste dhe 21 viktima deri më tani. Gjysma e tyre janë pjesë e Kishës Shincheonji të Jezusit, një sekt fetar i krishterë.
BBC thotë se një nga anëtarët e sektit u prek e para dhe sëmundja u përhap brenda anëtarëve dhe më pas në të gjithë vendin. Anëtarët e sektit refuzuan fillimisht të shkonin në spital.
Ky sekt ka 230 mijë anëtarë dhe Lee Man-hee pretendon se është Mesia dhe se është i pavdekshëm. Lee është testuar për virusin dhe priten rezultatet.
