“Detyra jonë në zgjedhjet e ardhshme është jo vetëm të jemi partia e parë, se jemi padiskutim, por të kemi mbështetjen më të madhe popullore. Dua 800 mijë vota për mandatin e tretë të PS. Është shumë e lehtë të thuhet, shumë e vështirë të bëhet.”
Pas kësaj deklarate të kreut të mazhorancës Edi Rama në Kongresin e sotëm të PS-së ka ardhur dhe reagimet nga opozita. Ish-deputeti i PD, Gent Strazimir deklaron se Rama kërkon një mandat të tretë por nuk “lançon” as rritjesh pagash dhe pensionesh dhe as ulje taksash apo çmimesh.
Përmes një postimi në Facebook, Strazimiri shkruan me ironi se “qeveria e “çunave”, për të marrë “mandatin e tretë” nuk ka nevojë për votën e pensionistit, as të rrogtarit, as te dyqanxhiut e biznesmenit!!! Qeverisë së “çunave”, votën ia sjellin “çunat”!”
Reagimi i Strazimirit:
Kërkon “një mandat të tretë” dhe “800 mijë vota”, por nuk “lançon”:
– as rritje pagash,
– as rritje pensionesh,
– as ulje taksash,
– as ulje të çmimeve,
JO!
“Lançon amnesti të përgjithëshme” për paret e “çunave”… mjafton që të mos jenë pare droge (?!), prostitucioni (?!), trafiqesh…. (?!)
PSE?
Sepse e qeveria e “çunave”, për të marrë “mandatin e tretë” nuk ka nevojë për votën e pensionistit, as të rrogtarit, as te dyqanxhiut e biznesmenit!!!
Qeverisë së “çunave”, votën ia sjellin “çunat”!!!
“Çunat” me “influencat” e tyre, merren me grumbullimin e votave për qeverinë “që u qan hallet” !!!!
Qeverisë së “çunave” nuk i duhet vota për të marrë mandatin e tretë, sepse do ia marrin “çunat” … siç “morën votat” për mandatin e dytë!!!!
KAQ!!!!!!
