Supersfida e javës së 26 e Serisë A, Juventus-Inter, do të luhet pa praninë e tifozëve, për shkak të rrezikut nga koronavirusi.
Lajmin e ka konfirmuar Liga Italiane e Futbollit, pasi ditën e djeshme dolën zëra se ka mundësi që ndeshja të luhej në praninë e tifozëve.
Por qeveria e futbollit në vendin fqinj ka pranuar që rreziku është shumë i madh dhe për pasojë ndeshja më e rëndësishme në kampionatin Italian do të luhet pa mbështetësit.
E njëjta gjë vlen edhe për ndeshjet Udinese-Fiorentina, Milan-Genoa, Parma-Spal dhe Sassuolo-Brescia.
