Ambasada amerikane në Tiranë i është drejtuar me një apel shtetasve të saj lidhur me manifestimin e 2 marsit që është thirrur nga Presidenti Ilir meta për mbrojtjen e Kushtetutës, sikundër ka deklaruar ai.
Ambasada e SHBA-së këshillon shtetasit amerikanë që të shmangin grumbullimet dhe të jenë vigjilentë rreth asaj që ndodh rreth tyre.
Duke sjellë në vëmendje protestat e mëparshme, Ambasad e SHBA shprehet se tubimet e mëparshme kanë qenë të dhunshme dhe policia ka hedhur gaz dhe ujë ndaj protestuesve,
Presidenti Ilir Meta ka thirrur manifestimin e 2 marsit, ndërsa ka premtuar se do të firmosë edhe dekretin e parë mbi atë që e konsideron “çmontimin e grushtit të shtetit”.
Meta i ka drejtuar apel qytetarëve që të mbajnë flamuj kombëtar dhe mimoza, duke u shprehur se manifestimi do të jetë paqësor.
Sikundër është raportuar për mbarëvajtjen e manifestimit janë angazhuar 3 mijë vullnetarë.
